Home Police Candela ariba tereno di Daltra na Barcadera

Candela ariba tereno di Daltra na Barcadera

SHARE
Polisnan para na entrada di Daltra

Barcadera – Diamars den oranan di anochi un candela a wordo raporta ariba e tereno di Daltra, situa parti zuid unda Douane Kantoor ta situa.

Na yegada autoridad a constata cu lo mester di Brandweer cu urgencia.
Brandweer ya tawata na caminda.

Dos unidad di brandweer a sali pa Daltra, debi cu a ser bisa cu e luga mes ta na candela.
A resulta cu tin candela berdad, pero no tawata e luga.

Segun nos a compronde un “monton” di metal cu lo tawata na candela. Un bobcat of algo parecido lo a cuminsa yuda bomberonan tambe.

Bomberonan mester a usa cautela tambe, debi cu e entre e metalnan lo tin aluminum.
Aluminum cayente ora e haya contacta cu awa por explota, tambe poco mas pariba di unda e candela tawata tin dos tanki.
Pues tur esey a hunga un rol.

Brandweer mester a bay refill y despues di basta ora a logra domina e candela completamente.

Mientras bomberonan tawata combati e candela ariba tereno di Daltra den e scuridad di anochi por a mira candela ainda ariba Dump.