Home Local 87% di pasaheronan cu a sali for di Aruba na November 2019Β ...

87% di pasaheronan cu a sali for di Aruba na November 2019Β  recupera den November 2021

SHARE

 

85,346 pasahero a biaha for di Aruba den November 2021

 

ORANJESTAD – Aruba Airport Authority N.V. (AAA) ta raporta riba e resultadonan di Aeropuerto Internacional Reina Beatrix (AUA Airport) pa November 2021; un otro luna mas cu resultado satisfactorio di recuperacion en comparacion cu e mesun luna na 2019.Β 

 

Na November 2021, AUA Airport a procesa 85,346 pasahero cu a biaha for di Aruba. Esaki ta 13% mas compara cu e luna anterior. Durante e luna tras di lomba AUA Airport a recupera 87% di e cantidad di pasaheronan cu a biaha for di Aruba durante e mesun luna na 2019. Den November 2021 65,928 pasahero (pax) a biaha pa Merca, 2,442 pax pa Canada, 6,397 pax pa Europa, 3,638 pax pa Antiyas Hulandes y 6,941 pax pa Latino America.Β 

 

Un β€œoutbound passenger load factor” (PLF) averahe (cantidad di asiento ocupa di e cantidad total di asiento disponibel riba e avion ora di sali for di AUA Airport) pa e mercado Mericano di 74% a keda raporta durante e luna di November 2021, mientras e PLF averahe pa tur otro mercado tabata na 76% durante e mesun temporada (pa comparacion, na 2019 e PLF pa tur mercado tabata 85%).Β 

 

Durante e ultimo luna, AUA Airport a atende un averahe di 30 buelo pa dia, menos compara cu e 35 buelonan pa dia cu tabata wordo procesa den e mesun temporada na 2019. Den e mesun temporada den 2020 nos atende solamente 481 buelo despues cu frontera nacional a habri bek na Juli 2020 pa operacionnan comercial.