Accidente cu varios herido na Noord

Noord – Diamars den oranan di merdia polis y tambe varios unidad di ambulance a bay e caminda di Noord cu ta sali ariba e caminda di Turibana.

Den e accidente varios persona a resulta herida. Tawata trata di un Mitsubishi y un Nissan March.

Tres ambulance a presenta na e sitio pa asina transporta e multiple heridonan.
Den e accidente tawata tin un baby envolvi.

Polisnan a cera e caminda pa asina polisnan di trafico haci nan investigacion. E accidente a sosode den un bocht y ta mustra cu velocidad halto a hunga un rol, mirando con e autonan a keda.

Departamento tecnico di polis(BFTO) a presenta na e sitio y tambe slachtofferhulp a wordo poni na altura.