Oranjestad, Aruba – 6 di december, 2021: Diabierna 3 di December na prome instante a mustra cu tabata tin 1 ganado di e premio miyonario di 1.8 miyon florin. Dialuna a habri cu un sorpresa grandi, unda cu un grupo di colega cu a bin cobra nan premio di Mini Mega cu Mega Plus hunto.
E 7 ganadornan aki ta un grupo di colega cu a pone placa hunto y nan a combina nan fecha di nacemento pa asina sera e numbernan ganado. Ta algo cu nan ta haciendo pa añas caba y awe nan a bin hunto pa cobra e premio di 1 miyon y 800 mil florin!
Lotto, e loteria di Aruba tin diferente wega; Catochi, Big 4, 1-OFF, Lucky 3 y Multi-X, Zodiac, Wega di Number Korsou di Lotto, Lotto di Dia, Lotto 5, Mini Mega cu su Mega Plus y e diferente weganan di Raspa Y Gana. Cumprando Lotto bo ta contribui na deporte riba nos isla. E meta ta pa organisa loteria, cambia bida di su hungadonan y na mes momento inverti den deporte local pa medio di donacionnan na e comision di subsidio.