Home » 2 aña y 6 luna di prison pa homber cu a abusa di mucha muher di 14 aña

2 aña y 6 luna di prison pa homber cu a abusa di mucha muher di 14 aña

by Admin
0 comment 86 views

ORANJESTAD – Awe mainta via video conference, Hues di Corte di Husticia a dicta sentencia den e caso penal cu Ministerio Publico a cuminsa contra e homber T., kende ta wordo acusa di a abusa di un mucha muher di 14 aña.

Aruba Native por a compronde cu luna pasa, durante tratamento di e caso, Fiscal a exigi 3 aña di prison y ayera Hues a condena T. na 2 aña y 6 luna di prison.

FISCAL

Luna pasa tratamento di e caso a tuma lugar caminda Fiscal a bisa Hues cu e ta haya straño cu e ex partner di T. ta yam’e pa pedofile y reclam’e y T. no ta bisa nada. Fiscal a señala cu ora e ex partner a reclama T. di a hinca dede den parti intimo di e mucha, T. no a bisa nada. El a bisa e ex partner cu despues di esey, el a stop y no a haci nada mas. Fiscal a bisa Hues cu e no ta kere e storia di T. cu e mucha di 14 aña kier tabatin relacion cun’e. Na opinion di Fiscal, si a caso algo asina pasa, T.(28) mester a para e mucha y bisa su ex partner.

Pa loke ta e demanda di daño inmaterial di 6 mil florin, Fiscal ta haya esaki acceptable. Pa loke ta e demanda di abogado, Fiscal ta haya cu esaki no ta acceptable. El a pidi pa Hues aplica e tarifa pa yena un demanda cu ta 176 florin. E resto di 2500 florin ta wordo declara no admisibel.

Fiscal a exigi 3 aña di prison di cual 6 luna ta condicional cu un tempo di prueba di 2 aña. Tambe el a exigi pa prohibi T. pa drenta den contacto cu e mucha.

DECISION HUES

Hues awe mainta a bisa cu e ta haya legalmente proba cu T. a haci actonan inmoral cu un mucha muher, cu ta ruman di T. su pareha. Pa cu e castigo, Hues a bisa cu e ta tene cuenta cu seriedad di e hecho. Hues ta haya cu T. no a mustra di a compronde e daño cu el a causa na e mucha.

Hues a condena T. na 2 aña y 6 luna di prison di cual 6 luna ta condicional cu un tempo di prueba di 3 aña.

Hues a aproba 2500 florin pa daño inmaterial. El a declara no admisibel pa e resto di e suma pasobra Hues ta di opinion cu no tin suficiente prueba di gastonan. Hues tambe a bisa cu e ta aproba 500 florin pa gastonan di abogado. Tambe el a bisa cu e ta pone e medida di pago contra T.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio