Home » Discurso di Don Martina na ocasion di ‘Conferencia 35 aña Status Aparte – Aruba Ta Di Nos Tur’

Discurso di Don Martina na ocasion di ‘Conferencia 35 aña Status Aparte – Aruba Ta Di Nos Tur’

by Admin
0 comment 43 views

 

Status Aparte a duna Aruba mas y miho forma pa desaroya su pais y su pueblo

 

Oranjestad – Durante e ‘Conferencia 35 aña Status Aparte – Aruba Ta di Nos Tur’, 

Gobierno di Aruba a ricibi un bunita mensahe di e ex Minister President di Antias Hulandes 

  1. Dominico (Don) Martina. Sr. Martina na aña 1983 tabata co-firmante di e Status Aparte di Aruba, hunto cu sr. Betico Croes y sr. Ruud Lubbers di Hulanda, tur dos den feliz memoria.

 

E ex Prome Minister di Antias Hulandes a expresa cu e realisacion di Status Aparte, un expresion cu a wordo usa pa prome biaha durante un manifestacion di Movimiento Electoral di  Pueblo (MEP) bou di guia di Betico Croes riba 18 di maart 1973, pueblo di Aruba a realisa su soño politico na 1986, cu for di 1922 tabata brota den curason y mente di e pueblo di Aruba.

A tuma casi 13 aña pa Aruba realisa su Status Aparte como pais den Reino Hulandes.

Sr. Don Martina a trece dilanti cu den su calidad como Minister President di entonces 

Antias Hulandes e tabata tin e responsabilidad grandi pa yuda duna realse na e Status Aparte di Aruba. Ela comparti cu beneplasito e ta experencia cu e Status Aparte di Aruba, a duna Aruba mas y miho formanan pa desaroya su pais y su pueblo y no a kibra e lasonan familiar, cultural y economico entre e islanan ruman y pueblonan. Sr. Martina ta convenci cu a base di igualdad y respet mutuo e cooperacion aki lo sigui crece mas ainda.

 

‘Pabien Aruba. Pabien Pueblo di Aruba. Pabien partido MEP. Hopi Forsa, Determinacion, Fe y Vision pa sigui construi un Aruba basa riba e balornan di dignidad humano, husticia 

social, libertad, solidaridad di hende pa hende y di pueblo pa pueblo. Cu e balornan 

ya menciona lo keda inspira boso den boso lucha pa un mas miho Aruba, un Aruba 

mas egalitario y prospero. PABIEN ARUBA’, tabata palabranan di Sr. Martina dirigi na e pueblo arubano. Gobierno di Aruba ta gradici Sr. Don Martina pa su mensahe treci durante 

e conferencia.

 

 

  

 

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio