Home » Den 2021 AAA a organisa diferente “Sustainability Inspiration Tours”

Den 2021 AAA a organisa diferente “Sustainability Inspiration Tours”

by Admin
0 comment 85 views

 

 

ORANJESTAD – Aruba Airport Authority N.V. (AAA) compania cu ta maneha Aeropuerto Internacional Reina Beatrix (AUA Airport), a organisa diferente bishita na diferente compania local pa siña mas tocante e esfuersonan di sostenibilidad di e companianan, e asina yama Sustainability Inspiration Tours. 

Pa AAA, cada Sustainability Inspiration Tour ta importante pa asina haña ideanan nobo cu posiblemente por wordo ehecuta na AUA Airport tambe. 

Riba Diaranson November 24, 2021 AAA a invita tur e companianan cu a comparti nan esfuersonan di sostenibilidad durante 2021 pa asina nan ricibi un Airport Sustainability Inspiration Tour. 

AAA a comparti informacion riba aeropuerto su trayecto di sostenibilidad, e retonan dilanti y proyecto- y plannan pa futuro. Participantenan por a mira con sistemanan di energia mas nobo y eficiente ta yuda reduci e consumo di energia y awa y con AAA ta pushando pa transporte aereo bira mas sostenibel den e region. AAA a comparti tambe su Corporate Social Responsibility plan cu focus riba “Wings of Hope” cu ta contribui directamente na e comunidad local. 

Despues di e presentacionnan, e participantenan a ricibi un tour riba Airside y un bishita na aeropuerto su edificio di utilidad unda nan a ricibi informacion importante riba e sistemanan cu ta wordo usa pa proteha aeropuerto y pa garantisa continuidad di e compania. 

AAA su Director Health, Safety and Sustainability, Sra. Angeline Flemming a gradici cada compania pa nan presencia y pa nan entusiasmo pa sigui comparti informacionnan valioso y sigui traha hunto riba futuro proyectonan.  

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio