Home Politics Bestuurskantoor a wordo ilumina cu luz oraรฑo represantando speransa y solidarismo: ...

Bestuurskantoor a wordo ilumina cu luz oraรฑo represantando speransa y solidarismo: EN CONEXION CU CONSCIENTISACION PA ELIMINA VIOLENCIA CONTRA HENDE MUHE Y MUCHA MUHE

SHARE

ORANJESTAD – Diahuebs anochi Gobierno di Aruba a ilumina Bestuurskantoor cu luz oraรฑo en conexion cu โ€˜Dia Internacional pa Elimina Violencia Contra Hende Muhe y Mucha Muheโ€™. Prome Minister Evelyn Wever-Croes conhuntamente cu algun Minister, Parlamentario y fundacionnan tabata presente na e ceremonia caminda cu Gobierno di Aruba a uni na e meta pa crea mas conscientisacion den nos comunidad.

 

E ta sumamente importante pa para keto na conscientisacion contra di violencia contra hende muhe y mucha muhe pasobra e efecto cu e tin den un hogar y riba henter un comunidad ta hopi grandi. Ademas, e efectonan ta dura hopi largo, pues unabes cu ta permiti y tolera situacion asina, ta dificil pa bisa cu orguyo cu esaki ta un dushi Aruba.

 

Prome Minister Evelyn Wever – Croes: โ€œE luz oraรฑo cu ta ilumina Bestuurskantoor ta e luz di speransa y muestra di solidarismo di parti Gobierno di Aruba, pa cu e 16 dianan cu ta bay tin di actividad en conexion cu conscientisacion contra violencia contra hende muhe y mucha muhe.ย E ta importante pa para keto na e situacion y den e trayecto nos dilanti, percura pa sostene tur hende muhe pa por tin mas oportunidad di desaroyo y crecemento.ย 

 

Saliendo for di e pandemia, Aruba ta den pleno desaroyo y ta importante pa considera cu a pesar cu e pandemia a afecta tur hende, e grupo mas afecta ta muchanan, adultonan y hende muhe. Mas hende muhe cu hende homber a perde trabou. Mas hende muhe cu hende homber mester a keda cas cu muchanan ora scolnan a cera y tabatin hopi mas violencia contra hende muhe. Pโ€™esey mester pone atencion riba e posicion di hende muhe. Si no haci esaki awor den recuperacion, ta perde tur e avansenan cu a bin ta logra durante decadananโ€.

 

Por ultimo Gobierno di Aruba ta felicita cada organisacion cu ta trahando duro riba e problema aki y ta desea cada uno hopi exito durante e 16 dianan di conscientisacion.