Home Dutch Kingdom Polis di Rotterdam a logra detene dos persona, hopi lihe despues cu...

Polis di Rotterdam a logra detene dos persona, hopi lihe despues cu polis a duna algun imagen liber di e sospechosonan pa publicacion

SHARE

Polis na Rotterdam a detene un persona den e caso di tiramento fatal di 11 di oktober 2021, e detencion aki tabata despues cu polis a duna imagennan liber pa publicacion di e persona cu lo a tira Roncherello Ellis fatalmente.

Riba 11 di oktober 2021, den careda di 10’or y mey di anochi, Roncherello Ellis(20) a wordo tira y a keda seriamente herida, esaki a sosode den Schiltmanstraat. Roncherello a wordo hiba hospital y un rato despues e la fayece.

Polis a cuminsa cu un investigacion extenso, prome cu e tiramento fatal, tabata tin un atraco arma. Roncherello Ellis den compania di tres amigo a para nan auto un rato banda di un ATM, pa un amigo baha lanta placa, na momento cu e amigo tabata lantando placa e la wordo atraca y despues di e atraco e amigonan di Roncherello a dicidi di sigui e auto di e atracadornan, durante e persecusion, varios tiro a cay y un di e tironan aki a alcansa Roncherello Ellis den su lomba, e la keda gravemente herida y despues di su yegada na hospital e la fayece.

Polis a sigui haci e investigacionnan necesario y e siman aki nan a dicidi di duna varios potret y video di e sospechosonan di e tiramento fatal liber pa publicacion.

Mesora despues cu e potretnan y e video a wordo publica riba medionan Hulandes, poli  lo a ricibi diferente tip cu a yuda polis na detene dos persona. Un hoben di 18 aña biba na ROtterdam kende ta wordo sospecha di a tira Roncherello y tambe un homber di 23 aña kende ta wordo sospecha di ta envolvi den e tiramento aki. E investigacion ta andando y no ta descarta e posibilidad cu lo por cay mas detencion.