Home » Manifestacion di ambtenaarnan no a haya e acogida cu nan lo tabata desea.

Manifestacion di ambtenaarnan no a haya e acogida cu nan lo tabata desea.

by Admin
0 comment 65 views

Oranjestad: Diaranson den careda di 3’or di atardi, varios sindicato y nan miembronan a cuminsa reuni dilanti di Ex Juliana School pa asina nan cana bay Parlamento y bestuurskantoor pa demostra nan malcontento cu e gobierno actual cu apenas tin dos luna gobernando.

E sindicatonan y nan miembronan cu algun pancarta den man, gritando cu awo cu aboli Fase nan ta exigi di Gobierno pa dunanan nan 12.6% bek. Den e grupo di manifestantenan por a mira varios otro personanan di otro organisacionnan cu no tin nada di haber cu e 12.6% entre otro algun persona cu lo a bay manifesta contra vacunacion y tambe contra abuso di mucha.

Prome nan a bay dilanti Parlamento y despues a bay dilanti Bestuurskantoor, caminda varios Minister a sali topa cu e manifestantenan. Despues cu lider Sindical di Simar y di SADA a papia, Prome Minister di Aruba, Evelyn Wever Croes a dirigi algun palabra na e manifestantenan, sigui pa Minister Endy Croes cu tambe a hiba palabra y a gradici tur e manifestantenan cu bin dilanti Bestuurskantoor.

Un rato despues poco poco tur e manifestantenan a bay for di dilanti Bestuurskantoor.

E manifestacion a bay hopi trankil, cu poco gritamento si. E acogida tabata lamentabelmente hopi pober a spera hopi mas ambtenaar y pensionadonan di Gobierno, pero esey no tabata e caso, esaki tabata e comentario cu por a scucha for di varios di e manifestantenan cu tabata na e sitio, nan a spera cu hopi mas ambtenaar lo a subi caya, compara cu tur e preparacionnan y reunionnan cu a wordo teni prome cu e manifestacion. Na e reunion na Frans Figaroa mes tabata tin mas hende presente.

Nos ta calcula na rond di 100 pa 120 persona. Entre nan por mira varios persoba tambe cu nunca tabata of ta ambtenaar, manifestando pidiendo Gobierno pa baha.

Mester bisa Si cu e manifestacion a bay sin problema y a caba hopi lihe.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio