PALM BEACH, ARUBA – November 2021 – Riba Dia Mundial di Mucha, asociadio nan di Aruba Marriott a organisa un bunita iniciativa unda asociado nan a bishita cinco scol na Aruba pa asina regala 600 mucha cupcakes y asina celebra cu nan e dia e special aki.
Un total di 25 asociado di Aruba Marriott a asisti como voluntario pa asina entrega e cupcakes nan personalmente na e mucha nan di Caiquetio School, Emmaschool & Skol Skucha Nos, Skol Paso Pa Futuro, Skol Dun’unman y Skol Dornasol, pa asina hasi nan dia uno extra special. E tabata un sentimento bunita pa wak e sonrisa riba e mucha nan cara di felicidad ora di ricibi nan cupcake.
E iniciativa aki ta forma parti di Aruba Marriott su compromiso na e cultura di “spirit to serve” di Marriott International, cual ta hasi e cultura di Marriott mas vibrante, e compania mas fuerte y e ta hasi mundo un miho lugar pa biba. Invertiendo den e comunidad nan unda Marriott ta opera ta un parti fundamental di e plataforma di sostenibilidad y impacto social, cual ta “Serve 360: Doing Good in Every Direction”. Atraves di trabou voluntario, recaudacion di fondo y donacion, e hotel nan y asociadio nan di Marriott rond di mundo ta dedica pa duna bek na comunidad y asina hasi un impacto positivo den e comunidad unda nan ta opera.
Mas di Aruba Marriott:
Aruba Marriott Resort & Stellaris Casino a habri na aña 1995 cu 411 camber y despues a añadi 3 camber mas na aña 2018. Na aña 1999 a habri Ocean Club cu 311 camber y na aña 2004 a habri Surf Club cu 900 camber. En total, e famia di Aruba Marriott ta consisti di mas o menos 1200 empleado den servicio directo. E compleho di Aruba Marriott ta esun di mas grandi den henter Caribe, tanto den cantidad di camber como den cantidad di empleado.