Home » Kustwacht a intercepta “go fast” hasiendo dropping pabao di Aruba

Kustwacht a intercepta “go fast” hasiendo dropping pabao di Aruba

by Admin
0 comment 123 views

Oranjestad, Aruba-

Diamars den oranan trempan di anochi kustwacht a detecta un signal di un boto riba lama, hopi cerca, parti pabou di Aruba. Mesora a desplega un metalshark su tras y a dune señal pa para, pero esnan abordo di e boto no a respeta esaki y a sigui bay.

Na dado momento a start un persecusion riba lama y mesora a pidi pa asistencia di e helicopter di polis. Mirando cu e persecusion tabata demasiado leu pa e helicopter bay, e helicopter a keda circula sperando riba regreso di Kustwacht.

Segun informe, por a mira con esnan abordo di e “go fast” tabata bentando paketenan parecido na paki droga den lama. Metalshark a logra intercepta e boto y esaki a wordo hiba na waf di Barcadera.

E personanan abordo a wordo deteni y pasa pa autoridad local. E boto a keda confisca, no ta conoci ainda kiko tur lo tabata tin den e boto, of a wordo haya riba e boto, pero bou escolta di e helicopter di polis, kustwacht a hiba e boto mara na waf  di Barcadera, pa asina por a cuminsa cu e investigacionnan necesario.

Un tremendo trabou di Kustwacht, durante patruya riba lama rond di nos isla.

 

 

 

 

 

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio