Home » Accidente serio di UTV a laga 5 persona herida atras di cual 1 ta serio

Accidente serio di UTV a laga 5 persona herida atras di cual 1 ta serio

by Admin
0 comment 75 views

Hudishibana, patras di Faro

Diaranson algo prome cu 11’or y mey di mainta, un UTV cu 5 turista a accidenta, den e area di tera cora patras di Tierra del Sol Golf Course.

Mesora un persona a bati alarma. Polis y ambulance a yega na e sitio y enberdad a bin topa cu e UTV, V-5798 di Offroad Evolution y 5 turista herida. E UTV lo a kentel den banda.

Dos di e turistanan a haya sla na cabes y di cual un turista masculino su situacion ta hopi serio. E la wordo hinca mesora den e prome ambulance cu a presenta na e sitio. Un otro dama cu a haya sla na cabes tambe, a wordo hinca den e prome ambulance.

Na momento cu di e dos ambulance a yega, nan a pasa e turista mas serio herida den e di dos ambulance y asina e otro turista cu tambe tin sla na cabes por a bay riba e brancard.

E otro tres turistanan herida a haya basta rasca y corta na curpa.

En total tres ambulance y e rapid responder di ambulance a presenta na e sitio y tur 5 turista a wordo transporta cu ambulance pa hospital. Asistencia di Slachtofferhulp tambe a wordi pidi pa e victimanan

Tambe a pidi departamento tecnico di polis pa haci mas investigacion na e sitio.

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio