Home » Minister di Finansa ta informa: Gobierno ta emiti bono pa cubri debe local conforme e palabracion cu Hulanda

Minister di Finansa ta informa: Gobierno ta emiti bono pa cubri debe local conforme e palabracion cu Hulanda

by Admin
0 comment 104 views

 

Ta trata di ‘rollovers’ y no debe nobo

 

ORANJESTAD – Dia 17 di november Banco Central a saca un anuncio den cual ta yama interesado pa cumpra bono di Gobierno pa e suma total di 84 miyon florin. Ta trata aki di ‘rollovers’ cual ta debenan haci den pasado cu awor ta madura. Ta trata di debenan haci, entre otro, na aña 2009 y aña 2011.

 

Conforme e palabracion cu Hulanda, e aña aki Hulanda ta paga e debenan externo di Aruba y Gobierno di Aruba mes mester percura pa e debenan local. Asina aki pa aña 2021, Aruba a haya un prestamo di Hulanda di 177 miyon florin pa paga nos debe externo cu a madura e aña aki.

Ta bon pa menciona cu e ‘rollovers’ no ta haci e debe di nos Pais mas grandi. Ta cambia debenan bieu pa un debe nobo cu condicionnan nobo. Ademas e emision di bono aki no ta pa cubri e deficit di nos Pais of pa cubri e falta di sosten di likides di Hulanda, e ta netamente pa cambia debenan local bieu pa un debe local nobo.

 

Conforme ley, Banco Central di Aruba ta encarga cu emision di bono y ta publica e condicionnan aplicabel.

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio