Home International Dama Aleman di 73 aña deteni despues di a wordo gara cu...

Dama Aleman di 73 aña deteni despues di a wordo gara cu 4 kilo di cocaina den maleta

SHARE

Switzerland, Zürich:

Recientemente un señora di edad (73) a wordo deteni, na airport di Zürich despues di tabata tin como 4 kilo di cocaina den su poder. E señora yega Zürich riba un vuelo procedente di Sao Paolo, Brazil.

E tabata di transito na Zürich, despues lo mester a pasa Düsseldorf (Alemania) y su destinacion final lo tabata Amsterdam.

Durante cu e mester a pasa Douane pa nan controla su maletanan, e señora a cuminsa bira hopi nervioso y aki ta caminda e la lanta un fuerte sospecho cu e lo tin algo scondi. Esaki a pone cu e douaneronan na e airport di Zürich a cuminsa controla su maletanan mas intensivamente.

E douaneronan a bin topa como 4 kilo di cocaina scondi den su maleta, e droga mesora a wordo confisca y e dama anciana a keda deteni pa traficacion di droga.

Investigacionnan lo mester determina, di ken e droga ta y pa ken e tabata destina na Amsterdam.