Home » Organisacion di ingeniero KIVI awor tambe den Caribe

Organisacion di ingeniero KIVI awor tambe den Caribe

by Admin
0 comment 49 views

Cu mas di 17 mil miembro, e instituto Real di ingeniero KIVI (“Koninklijk Instituut van Ingenieurs”), cu e aña venidero lo celebra su 175 aniversario, ta un nomber conoci na Hulanda. Y awor e organisacion profesional ta expande pa e partinan di Caribe di Reinado Hulandes cu un circulo Caribeño (“KIVI-Kring Caribbean”), cuminsando aki na Aruba.
E circulo Caribeño (KIVI-Kring Caribbean) ta pa forma un red unda ingenieronan di Aruba, Corsou, Sint Maarten y e islanan di BES ta reuni pa asina intercambia sabiduria y expericio. Esey pa medio di organisa conferencianan, Webinars, presentacionnan, excursionnan, topa otro pa discuti mientras gosando di un trago etc.
E obhetivo mas importante di e circulo Caribeño (KIVI-Kring Caribbean) ta pa yuda mehora e calidad di bida ariba e islanan ya menciona mediante e uzo di tecnologia sostenibel durante cua e hende humano, naturalesa y medio ambiente ta wordo proteha optimalmente. Y cu esaki ta inclui cu e integridad di e ingeniero ta para central. Y e guia principal aki ta e Codigo Etico di KIVI (KIVI Ethische Code 2018.pdf).
E prome actividad ta planea dia 30 di November 2021 di 6 pa 8 p.m. na Aruba Experience, John G. Emanstraat 37, Oranjestad. Durante e actividad aki lo haci conoci cu e KIVI, e circulo Caribeño (KIVI-Kring Caribbean) y e directiva. Tambe lo presenta un plan di actividad pa e proximo aña, sigui cu un oportunidad pa discuti.
E prijs pa participa na e evenemento aki ta 35 AWG florin y pa studiante esaki lo ta 15 AWG florin. Na entrada por paga e sumanan aki.
Interesadonan ta bon bini. Por registra cerca un di e miembronan di directiva pa medio di e conexion aki cu ta [email protected] of pa medio di un mail pa nos coordinator di accountant cu ta [email protected]
Por haci contact tambe e directiva pa medio di Bestuur | KIVI
E directiva ta consisti di sra. Ir. Rubiëla Lampe-Chiquito, sr. Ing. Marvin Wevering y sr. Ir. Leopoldo Henriquez
Informacion den e contexto aki:
Den e noticiero di KIVI di 26 di oktober 2021 e Directiva Mayor e instituto Real di ingeniero KIVI y su team na Hulanda a yama bon bini na e circulo nobo Caribeño (KIVI-Kring Caribbean).
E instituto Real di ingeniero KIVI a wordo lanta na aña 1847, bao di proteccion di e Principe di Oranje e tempo ey cu awor ta un organisacion professional pa ingeniero na Hulanda cum as cu 17 mil miembro. KIVI ta sostene ingenieronan den ehecucion di nan profesionalismo y reconocemento di e balor di nan trabao.
Y ademas KIVI ta yuda pone conexion entre investigacion scientifico, educacion, comunidad y por supuesto tambe cu otro. Pa hacie esey KIVI ta yuda garantisa e calidad di educacion, investigacion scientifico y utilisa e trabao y e conocemento di e ingenieronan pa cu e beneficio di e problemanan social y pa haci e impacto di tecnologia visibel den nos comunidad.
Pa realisa esaki KIVI ta traha hunto cu empresanan tecnico, institutonan di conocemento, educacion superior, gobierno y partnernan den exterior.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio