Modanza – Diabierna anochi pasa di 10’or area di Modanza y te na Dakota a mira un claridad den shelo, compaña pa explosion style di bom.
Algun rato despues por a scucha alarmanan ariba caminda.
A resulta cu un tanki di gas a rementa den un cunucu na Modanza.
Brandweer tawata e prome pa a wordo avisa y tawata e prome na e sitio .
Na su yegada tawata tin basta huma, pero candela mes a wordo “domina” door di e doño.
Na e sitio e homber a conta nos locual a pasa.
Tawata trata di un boter di gas esunnan chikito cu tawata cerca di un generator.
Segun e homber posiblemente e generator lo a overheat y e boter di gas tawata cerca causando un explosion.
Esaki a ser scucha te den area di Dakota.
Cu un hemchi y awa di dam e cabayero a paga e boter cu tawata supla candela.
E explosion a causa un buraco den e zim cu ta separa un area den e cunucu.
Bomberonan a basha awa ariba locual tawata huma ainda y despues a bandona e sitio.
