Home Local Restonan mortal di ex Minister di Husticia Rudy Croes transporta pa Aurora...

Restonan mortal di ex Minister di Husticia Rudy Croes transporta pa Aurora Funeral Home

SHARE

Adriaan Laclé  Boulevard  – Diasabra den oranan merdia rond di 12’or pasa noticia a cuminsa circula cu Sr.Rudy Croes(74) ex Minister di Husticia y tambe ex politico di partido MEP a fayece. 

Rudy Croes tawata pa basta tempo malo, y a pasa un tempo na Merca cerca su yiu unda e lo a ricibi algun tratamento medico avansa.

Pero asina mes, e salud a keda deteriora y ta fayece diasabra november 20 den su cas na Playa.

Poco poco famianan tawata yegando. Entrenan por a mira su ruman cu tambe tawata Minister di Husticia un Sr.Hendrik Croes.

Y asina famianan tawata keda drenta y sali, tambe amistadnan hopi cerca.

Aurora Funeral tawata e cas funeral encarga pa busca e restonan mortal di Rudy Croes.

Na yegada e shersh a drenta den e cura, unda cu den tur privacidad di famia a hinca e curpa den e auto y despues sali direccion Aurora Funeral Home situa ariba Watty Vos Boulevard.

Rudy Croes tawata hopi activo den politica y tawata Minister di Husticia entre 2001 cu 2009.

Rudy ta e ruman chikito di Betico Croes y alabes omo di Prome Minister actual Sra. Evelyn Wever Croes.