Home » Parlamentario Darlaine Guedez-Erasmus (MEP): Hunto nos por garantisa proteccion di nos muchanan

Parlamentario Darlaine Guedez-Erasmus (MEP): Hunto nos por garantisa proteccion di nos muchanan

by Admin
0 comment 106 views

 

E aña aki ta conmemora e di 32 aniversario cu e paisnan rond di mundo a firma e tratado cu meta pa protege tur mucha bou di 18 aña na mundo. Na aña 2001 Aruba tambe a firma e Tratado aki, haciendo asina e compromiso pa proteha di un forma mas completo posibel e desaroyo di e mucha den su personalidad, talento, capacidad emocional, mental y fisico.

Aruba tin un comision di Derecho di mucha cu tin e tarea, conseha gobierno riba implementacion di e Tratado, ehecucion di e responsabilidad internacional pa raporta encuenta e Tratado y concientisa e comunidad tocante e derechonan di mucha. 

Como Parlamentario, mi por menciona cu tin hopi organisacion cu ta trahando duro pa desaroyo positivo pa e derechonan di mucha aki na Aruba. Den Parlamento tambe ultimamente a cambia e leynan pa asina proteha nos muchanan. E compromiso semper mester t’ey pa sigui traha riba e punto aki pa mira bienestar di tur mucha. 

Ta importante pa nos como adulto, tuma e dia aki pa refleha riba con nos ta tratando e muchanan y kico nos por haci, pa asina proteha y yuda e muchanan crece bon.  

Pa e dia aki, lo tin diferente actividad. Gobierno di Aruba bou di encargo di Ministerio di Husticia y Asuntonan Social hunto cu opvoed commissie ta organisa un funwalk, e lo cuminsa 8:00 am na Plaza Nicky Habibe. Organisacion tambe tin nan mesun actividadnan rond di nos isla. Ban participa hunto cu e muchanan den e actividadnan aki y ban semper brinda nos muchanan hopi amor. Feliz dia internacional di derechonan na mucha na tur e muchanan di nos pais!

 

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio