Home Local Eclipse Parcial di Luna Saros 126 un exito total na Aruba

Eclipse Parcial di Luna Saros 126 un exito total na Aruba

SHARE
Aruba Astro Research Int. pa medio di Sr.Marcos Bislip ta informa cu e Eclipse Parcial di Luna Saros 126 tabata un exito total.
E eclipse parcial mas largo den historia pa cu ultimo 580 Anja y parti di umbra di e eclipse a dura masha hopi mes for di 3:09 am te cu 6:36 am cual ta haci e eclipse parcial di luna saros 126 di Dia 19 di November 2021 den oranan di marduga esun mas largo den historia den duracion di e sombra umbra.
Aruba Astro Research Int. y Sr.Marcos Bislip a cubri e evento for di Sero Preto na San Nicolas.
Awa a yobe y stroba un rato pa cu e observacion pero despues tur cos a sigi normal tabata tin algun nubianan cu tabata pasa pero no cu shelo a sera completo cierto memento tabata tin un clear sky un shelo cla hopi bunita.
Nos na Aruba a observa y mira mas loke a keda calcula mas cu un ora extra esta 1 ora y 35 min mas nos a hanja pa disfruta di e eclipse nos no tabata den e pasada di e eclipse 100% pero nos a mira mas cu loke nos mester a mira esei ta un logro grandi, na ultimo tabata tin nubianan di awa cu a bin cubri e luna pero asina mes e luna a sali y duna su ultimo briyonan nos por a mira e bahada di e solo den e nubianan di color geel masha bunita y nos a logra capta e momentonan unico di luna bahando den e nubianan di awa na horizonte un eclipse parcial di luna hopi bunita y tabata e eclipse parcial di luna cu casi tabata un un eclipse total 3% so pa e ta total e sombra di nos planeta tera a cubri 97% di e suprificie di e luna.
E eclipse parcial mes a inicia pa 3:09 am na Aruba enbes di 3:18 am esta mas trempan.Nos di Aruba Astro Research Int. a logra colecta datonan importante di e eclipse mes na Aruba y saca potret y filma e evento mes na Aruba na Sero Preto San Nicolas y cuater link di exterior cu ta den e pasada di e eclipse mes a transmitie ariba nos facebookwebpage arubaastroresearch.
Aruba por a disfruta di un bunita y historico Eclipse Parcial di Luna Saros 126 cu lo keda marca den historia di Aruba y ariba fecha di nacemento di tata di Sr.Marcos Bislip enfelis memoria un regalo di Papa Dios y Aruba Astro Research Int. y Sr.Marcos Bislip a dedica e evento celestial aki na su tata stima Sr.Marco I.Bislip cu tabata un exito grandi.