Home » Parlamentario Marco Berlis (MEP): Dia Internacional di Hende Homber

Parlamentario Marco Berlis (MEP): Dia Internacional di Hende Homber

by Admin
0 comment 108 views

November 19 nos ta celebra Dia Internacional di Hende Homber. Desde akinan, mi kier a expresa un pabien grandi na tur hende homber riba nan dia special. Mi ta kere cu ta asina importante pa sigui reconoce y celebra e dia aki di hende homber. Hende homber ta pilarnan den nos comunidad y cabes di nos famianan. E hende homber ta hopi biaha e forsa y proteccion den e famia. E ta ocupa su mes mayoria di biaha pa yuda y inverti den su famia y otronan, pero no ta mucho exigente pa su mes ricibi algo special. Den tur parti di nos comunidad hombernan ehemplar y balente ta traha duro pa nan famia pero tambe pa nos bay dilanti como pais. E ta corecto pa nos sigui reconocenan pa nan bon ehempel, liderazgo y aporte den tur area di bida y nos sociedad.

E dia internacional di hende homber apenas a cuminsa como un idea di sr.Thomas Oaster, riba 8 di Februari 1991 y a wordo celebra pa prome biaha riba 7 di February 1992. Lamentablemente aunke e hende homber ta hunga un rol sumamente importante den comunidad, ainda Nacionnan Uni oficialmente no ta reconoce e dia importante aki, pero si ta reconoce riba e mesun November 19 aki e “World Toilet Day”, cual tin di haci cu salubridad mundial. Esaki ta ironico pasobra United Nations si ta reconoce e Dia Internacional di Hende Muhe riba Maart 8.

Sinembargo akinan na Aruba si nos ta reconoce y ta observa e dia special aki. Pesey, laga nos celebra nos tata, nos ruman homber, nos amigo y tur e hende homber cu tin un lugar special den nos bida. Ban sigui encurashanan pa nan bon trabao, ehempel y inspiracion. Haci algo diferente cu nan riba nan dia special. Pabien Cabayeronan!

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio