Home Local Directiva General di VWI-vereniging: Gobierno di Aruba (GdA) no tin Respet pa...

Directiva General di VWI-vereniging: Gobierno di Aruba (GdA) no tin Respet pa nos Leynan Fundamental

SHARE

Directiva General di VWI-vereniging (Vereniging van Werknemers met een Individuele Arbeidsovereenkomst in dienst van de
Water- en Energiebedrijf Aruba (W.E.B.) N.V)

Den rueda di prensa di GdA unda su Excelencia Minister President a duna di conoce cu si
instancianan semi-publico y companianan estatal no ta coopera pa cu e entrega di 12.6%, e ora
GdA lo ta obliga pa pasa un ley den cual ta obliga tur e instancianan semi-publico y
companianan estatal pa entrega e 12.6%. Pa cuminsa, GdA ta bezig ya pa 18 luna caba ta
onteigen 12.6% di salaris di empleadonan di WEB, ELMAR, SETAR, etcetera a base di e
declaracion cu nos ta den un crisis y den nomber di algemeen belang. E condicion di
“Algemeen Belang” como base pa e inhouding di 12.6% a wordo confirma den e uitspraak di
e kortgeding VWI vs WEB di 10 di maart 2021. Dus segun hues, e entrega di 12.6% ta
“hustifica” bou di e condicion cu ta den algemeen belang di pais Aruba. Aki nos ta cita Articulo
14 di e Grondwet voor het Koninkrijk der Nederlanden:
Artikel 14
1. Onteigening kan alleen geschieden in het algemeen belang en tegen vooraf verzekerde
schadeloosstelling, een en ander naar bij of krachtens de wet te stellen voorschriften.
2. De schadeloosstelling behoeft niet vooraf verzekerd te zijn, wanneer in geval van nood
onverwijld onteigening geboden is.
3. In de gevallen bij of krachtens de wet bepaald bestaat recht op schadeloosstelling of
tegemoetkoming in de schade, indien in het algemeen belang eigendom door het
bevoegd gezag wordt vernietigd of onbruikbaar gemaakt of de uitoefening van het
eigendomsrecht wordt beperkt.
Cabinete Wever-Croes II kier bende pueblo cu e entrega di 12.6% ta un condicion di Hulanda
pa Aruba por haya ayudo di likides y cu esaki ta den algemeen belang. Salario di un hende ta
su eigendom. GdA kier hinca man den nos saco sin tin esaki regla pa ley debidamente y sin
duna e oportunidad pa por yega na un areglo legal tot schadeloosstelling of tegemoetkoming
manera ley ta prescribi. Esaki ta nada mas cu un abuso di poder y despotismo! GdA mester
respeta ley y e derechonan fundamental di tur ciudadano. Cabinete Wever-Croes I a bini cu e
idea di corta 12.6% pa Hulanda impone manera condicion pa ayudo di likides y awo ta sconde
tras di lomba di Hulanda. Si GdA kier corta 12.6% den nos salario den nomber di algemeen
belang, e ora hacie manera ley ta prescribi! Aki mester bini un regeling pa schadeloosstelling
of tegemoetkoming den e ley.
Directiva General di VWI-vereniging