Un tradicion den nos cultura ta, cu durante temporada di Pasco y Fin di Aña, nos ta regala esnan mas serca di nos curason un regalo. Sea poco of hopi, grandi of chikito, pero semper un detaye cu ta alegra tur curason.
Siguiendo cu e bunita tradicion Arubiano aki, Fundacion Movemento Ta Bida (FMTB) cu su proyecto Hunto Grandi Grandi Hunto (HGGH) hunto cu Grupo Nucleo tin un regalo specialmente pa nos Adultonan Mayor, pero tambe pa otro personanan . Esaki lo ta den forma di un canto di alegria y amor pa alegra tur curason, durante e siman di 13 – 17 december 2021 nos lo pasa 20 cas den cada bario menciona aki bou. En totaal nos bishita 150 persona rond Aruba. Lo bay tin maximo 4 (cuatro) musico cu lo trese nan musica, den patio, veranda of dilanti porta, teniendo cuenta cu e reglanan di DVG, pa mantene distancia social.
Con pa participa:
Bo conose un bisiña, un amistad of bo tin un familiar cu
- Ta biba su so den cas,
- Ta sinti soledad,
- Tin poco contacto social,
- Ta sinti un of otro tristesa ?
Anto inscribi e persona cerca e siguiente boluntarionan prome cu dia 3 di december, pa garantisa su participacion. Orario di Yamada ta di 9:00AM- 17:00PM
- Noord Frances Figaroa 5626201
- Oranjestad Rosa Leon 6419272
- Dakota Shermine Maduro 5625225
- Paradera/T.L. Yolanda Wolter 5923731
- Sta Cruz Rita Ras 5948735
- Pos Chikito Rosa Leon 6419272
- San Nicolas Lena Orman 5651145
Ban celebra fin di e aña aki hunto den un forma unico, pa nos por pasa un Pasco Felis y habri un Prospero y Venturoso 2022