Home » N.V. ELMAR a coopera cu Colegio Laura Wernet Paskel durante di “Kinderboekenweek”

N.V. ELMAR a coopera cu Colegio Laura Wernet Paskel durante di “Kinderboekenweek”

by Admin
0 comment 56 views

(Oranjestad) – Recientemente N.V. ELMAR a wordo acerca pa coopera cu e apertura di Kinderboekenweek na scol Colegio Laura Wernet Paskel. Mas cu claro N.V. ELMAR no por a nenga si ta trata di educacion di nos muchanan.

E tema di e aña aki tawata “Ta Loke Bo kier Ta”, cu e meta principal pa mustra e importancia y stimula lesamento di buki pa asina yega na un profesion (ofishi).

Na e momento cu e trucknan di N.V. ELMAR a subi e plenchi por a nota e alegria y entusiasmo riba cara di e muchanan. Cu gran curiosidad nan a yega cerca y admira tur posibilidad cu e trucknan tawata ofrece. Tambe tawatin masha interes pa haya sa kico e trabao di e empleadonan di N.V. ELMAR ta encera principalmente cu e trucknan aki. Ta importante pa sa e peligernan cu e trabao aki ta trece cune. Cursonan extenso, experiencia y hopi dedicacion ta primordial den esaki. E alumnonan di Colegio Laura Wernet Paskel a hasi pregunta tras di otro y esakinan tur a wordo contesta extensamente door di e empleadonan di N.V. ELMAR.

N.V. ELMAR ta gradici Colegio Laura Wernet Paskel pa e invitacion y e oportunidad pa duna splicacion na nos futuro generacion di algun di e tareanan cu e compania ta eherce pa distribui coriente rond di Aruba , ademas pa duna nan un empuhe pa nan bira loke nan kier ta!  

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio