Oranjestad – Diaranson mainta trempan polis, gnc y funcionarionan di DTP a tene un control intensivo. No tawata tin distincion di vehiculonan e momento ey.
Polis a controla di auto particular te na busnan di Arubus. Algun di nan no tawata tin e papelnan abordo, esta seguro y keuringskaart. Pa algun rato e bus/nan mester a keda para te ora personal a trece e papelnan necesario.
Sra. Hassel den entrevista cu nos colega Baboe Hoek tawata satisfecho con tur cos a bay.
Durante e controlnan aki y esunnan anterior a bin topa cu varios persona indocumenta.
Esakinan automáticamente lo wordo pasa pa Guarda Nos Costa, cu lo controla esun cu tin papel of no.
Pues fuera di controla tur documento di e vehiculonan pa haci nos trafico sigur, tambe ta combati e ilegalidad ariba nos Isla.
A controla rijbewijs, keuringskaart y tambe tint di glasnan di auto a wordo midi door di DTI. Eynan tambe boet a wordo duna. Windshield y ambos glas dilanti ta esunnan cu ta wordo midi.
Controlnan lo continua segun Sra.Hassel .
