Home Politics MINISTER DI ENSEÑANSA Y DEPORTE ENDY CROES PRESENTE NA E APRETURA DI...

MINISTER DI ENSEÑANSA Y DEPORTE ENDY CROES PRESENTE NA E APRETURA DI CAMPEONATO DI ARUBA BASKETBALL BOND.

SHARE

ORANJESTAD; Diabierna anochi Minister Endy Croes tabata presente na YMCA na San Nicolas pa e apertura di campeonato di basketball pa e temporada 2021 – 2022.

Presente na e na e ceremonia di apertura tabata presidente di ASU, sr. Gerald Franca, presidente di Aruba Basketball Bond sr. Kenneth Vrolijk y e ekiponan S.V. Estrella Aruba Bank, Aruba Jrs, De Vuyst Impact, CEO Dream Basketball y SUF Stealers.

 

‘Ta un honor pa por ta presente y por efectua apertura di e torneo aki, mi ta kere den deporte’, e mandatario a expresa. Deporte ta e vehiculo cu ta yuda forma nos como persona, e ta forma carater, forma disciplina y forma bon persona pa cu futuro di Aruba. E mandatario a sigui bisa; corda riba tereno boso ta hunga bala pa gana kizas poco bruto contra otro cu e ambicion pa gana, pero final di dia deporte ta e vehiculo pa nos sera amistad. 

 

E Mandatario a gradici e mayornan cu ta apoya nan yuinan y duna nan e sosten pa por practica deporte. Tambe ta gradici Aruba Basketball Bond, referee y e boluntarionan cu ta traha cu amor y pasion pa deporte. Alabes ta desea e ekiponan hopi exito den e temporada nobo di basketball.