Home Local Unidad Kolonie di Grupo Scout St. Paulus-Michael a cumpli satisfactoriamente cu nan...

Unidad Kolonie di Grupo Scout St. Paulus-Michael a cumpli satisfactoriamente cu nan Proyecto di Earth Beaver.

SHARE

E unidad di kolonie / bevers di Grupo Scout St. Paulus-Michael a cumpli satisfactoriamente cu nan proyecto di Earth Beaver. Nos Beversnan a participa na cinco siman di informacion y di matanan di nos naturalesa bou guia di nos kerida Sra. Olinda Rasmijn. Nos Bevernan a ser conoci cu diferente matanan di Aruba manera: Kwihi, Watapana, Orkidia, di mondi y Huliba. Nan a haya splicacion di e matanan di Shimarucu y Granaatappel di cual nan por a purba un dushi jam traha di esakinan. Ademas, nan a haya informacion adicional di Aloe, Moringa, Rabo di Cabay, Calbas, Seida y Yerb’i Hole di cual nan mes a traha Pesto di Yerb’i Hole y purba tambe cu cracker. Por ultimo nan a haya e oportunidad pa contribui na nos naturalesa door di plei / planta cada un varios mata di Mangel canto di laman na Zeewijk. Na final cada Bever a haya su ensiña di Earth Bever. Nos ta gradici Sra. Olinda Rasmijn di StimAruba pa su tempo, contribucion y splicacion na nos muchanan. Nos grupo kier a informa alavez cu nos ta habri pa tuma miembro nobo entre 5 pa 17 aña. Pa mas informacion por tuma contacto cu nos via Facebook: Grupo Scout St. Paulus Michael.