MARISOL A WORDO RETIRA PASOBRA E MES NO KIER A PAPIA CU EVELYN
Un biaha mas, Partido MEP ta tuma nota di yoramento di Ex minister Marisol Lopez-Tromp. Un yoramento cu a cuminsa cansa pasobra e ex minister aki a wordo retira legitimamente, door di Ministerraad y Gobernador cu sosten di mayoria den Parlamento. Manera Constitucion ta stipula.
Ultimo dianan e ex minister ta yora atrobe riba su retiro. Partido MEP ta informa e ex minister Marisol Lopez-Tromp cu: ‘Huilen is voor jouw te laat’ pasobra pa awor tur hende sa cu el’a wordo retira pasobra despues cu su fraccion a perde confiansa den dje, y Minister President kier a papia cu ne, Marisol a core 3 dia largo pa e Minister President. Minister President Evelyn Wever-Croes a yame dialuna, diamars, diaranson y Marisol no kier a papia cu Evelyn.
Ministerraad no por a sigui traha cu e ex minister ora cu pa 3 dia largo e ex minister a keda sin contesta Minister President y keda sin atende reunion di Ministerraad.
Aruba tabata den pleno crisis di corona y un minister cu kier ta independiente di su fraccion (algo cu no por segun nos constitucion) y cu ademas no ta comunica cu Ministerraad, a crea un “onwerkbare situatie”. Esey a pone cu Parlamento y Gobernador a sostene e retiro. Un cos sigur cu ta keda e ex minister, sto’i yora, siña di bo fout y traha pa e pueblo aki.