Piedra Plat – Diaranson den oranan di mainta. por a mira un caravana basta grandi di varios unidad di K9 unit, dos van di KIA, dos van di M.E. y un V-car pasando riba e caminda principal.
E caravana a sali for di K.I.A. y bay direccion di Piedra Plat.
E autonan a para patras di e oficina di dentista na Piedra Plat.
E preso peligroso a wordo hinca paden via e porta di patras, pa asina e haya su tratamento di djente.
E oficina di dentista tabata rondona pa polis arma y cara tapa. Un poco mas pabou e dos vannan di M.E a keda staciona pa tira bista.
Despues cu e preso a caba cu su tratamento, e caravana a bay bek KIA cu velocidad halto.
Husticia ta considera H., un preso hopi peligroso y ta pesey tur e siguridad aki.
H segun nos a ser informa lo ta cera relaciona cu un asesinato cu a tuma luga na 2015 na Hooiberg.
Pa transporta un preso peligroso pa bay un simpel cita cu dentista, ta exigi basta esfuerso di personal y planning. Sigur mas di 10 persona pa cuida pa e preso no huy y pa vigila pa niun hende no yega cerca di e preso.
Den pasado un preso a yega di huy caba for di un consultorio di dentista na Savaneta y nunca mas e la wordo haya.
Durante cu dentista ta trata un preso peligroso, no por tin cliente presente den e consultorio.
