Home » “Mi ta inocente”, ex Parlamentario Alan Howell cu man na boei a bisa subiendo van di CEA

“Mi ta inocente”, ex Parlamentario Alan Howell cu man na boei a bisa subiendo van di CEA

by Admin
0 comment 83 views

Vondellaan – Diaranson den oranan di merdia pa ta exacto 1:16 Ministerio Publico ta saca un Press Release over di e caso Diamante.

Ta asina cu den oranan di mainta ex Parlamentario y lider di partido POR a wordo deteni na oficina di Landsrecherche.  Sr.Howell fuera di ta politico ta un agente policial pa basta aña. E lo a haya toegangsontzegging tambe pa wardanan di polis.

Y ta den oranan di merdia ora cu a bira sigur cu e lo keda deteni Ministerio Publico a emiti e Press Release.

Manera e comunicado mes ta bisa, Howell ta ser sospecha di malversacion y falsificacion di documentonan.

Durante interogacion y te na momento cu e la subi e transportwagen di CEA su abogado Rossi Marchena tawata cu ne. Por a scucha Howell bisa cu e ta inocente.

Mester remarca cu a dura algo mas cu 30 minuut pa a sali cu Howell direccion Warda di Shaba.

Den e dianan nos dilanti Howell lo pasa oranan di interogacion y tambe Landsrecherche lo bin cu pruebanan cu nan lo tin contra su persona.

Y di e manera aki Aruba ta conoce un otro politico y ex Parlamentario cu ta cay cera pa malversacion y falsificacion.

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio