Home » AHATA: Ocupacion di hotel tabata 60% na october

AHATA: Ocupacion di hotel tabata 60% na october

by Admin
0 comment 56 views

ORANJESTAD, Aruba – 10 di november, 2021: Aruba Hotel & Tourism Association (AHATA) ta publica e cifranan di ocupacion y prijs di hotelnan mensualmente, y data di October ta indica cu e ultimo ola di COVID a causa un perdida averahe di 12 punto di grado di ocupacion. Despues cu CDC a hisa nivel di alerta pa Aruba, mas cancelacion di reservacion, y specialmente di grupo, a drenta.

DATA OCTOBER 2021:

Ocupacion: E grado di ocupacion tabata 60%; cual ta un recuperacion di 79% compara cu october 2019.
9 di 20 hotelnan a experiencia un grado di ocupacion cu ta menos di 50%.
ADR: E balor averahe di cada camber bendi tabata $238.24, cual ta 8.6% mas halto cu na 2019.
RevPAR: E entrada averahe pa tur camber disponibel tabata 14% menos cu na 2019, yegando $143.35.

2021 TE CU OCTOBER:

Durante e prome 10 lunanan di 2021, Aruba su hotelnan a experiencia un grado di ocupacion averahe di 54%; cual ta un recuperacion di 64% compara cu mesun temporada na 2019.
ADR ta 7.4% menos y RevPAR ta 41% menos compara cu e temporada na 2019.

TIMESHARE:

Ocupacion na propiedadnan Timeshare tabata 81% na October, y ta proyecta na 82% pa e luna di November.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio