Home » PROME MINISTER A RICIBI VARIOS BUKI PA AÑADI NA SU COLECCION

PROME MINISTER A RICIBI VARIOS BUKI PA AÑADI NA SU COLECCION

by Admin
0 comment 76 views

E Siman di Buki pa Mucha ta inicia diabierna cu un procuccion hopi bunita na TeleAruba. En conexion cu e Siman di Buki pa Mucha, Prome Minister a ricibi buki di autornan cu ta participa den e Siman di Buki pa Mucha y tambe Prome Minister a ricibi un buki pa esnan di edad mas avansa. Bukinan aki, Prome Minister a expresa, lo haya un luga sigur den su coleccion.

 

For di Biekel Oduber, Prome Minister a ricibi e buki titula: “De Magic Methode” di Barbara te Boekhorst cu ta resalta e secreto pa mas magia y felicidad. Un buki hopi practico cu tips interesante pa lectornan mas grandi. 

 

Evelien van Dort, autor den Festival di Buki Pa Mucha 2021, a entrega Prome Minister su buki mas recien: Olaf en de groene challenge”. Un buki facil pa lesa cu ilustracionnan atractivo. 

 

Esmeralda Tromp, miho conoce como Tanchi Esmee tambe a entrega su buki pa mucha titula: “Buchi Penchi Malo”. Un buki di un storia cu Tanchi Esme tabata conta su subrino y cu pa hopi tempo e kier a skirbi. P’esey, Prome Minister ta encurasha un y tur, pa nunca stop di soña. 

 

Lesamento ta habri un mundo grandi tanto pa mucha como hende grandi. Buki ta un fuente di inspiracion y aventura. No tin regalo mas bunita cu esey. Mi ta encurasha tur mayor y cuidado di nos muchanan, pa cuminsa lesa cu nan di trempan y conta nan storia. Esaki ta e miho regalo cu nos por duna nos muchanan”, Prome Minister Evelyn Wever-Croes a expresa. 

 

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio