Home » EXPOSICION DI ARTE ‘EMOTIONS’ DRENTANDO SU ULTIMO SIMAN

EXPOSICION DI ARTE ‘EMOTIONS’ DRENTANDO SU ULTIMO SIMAN

by Admin
0 comment 66 views

Oranjestad,– Dia 25 di october, 2021 e exposicion di arte di Laureen Eman tabatin su apertura den e salanan di UNOCA.

Centenares di bishitante ta gozando y admira y te hasta cumpra un obra di nan gusto.

 

Durante e prome dos simanan tambe tabata tin dos school cu a bishita y por a haya un rondleiding di Laureen mes.

Ariba diahuebs, diabierna y diasabra, hopi amante di arte por disfruta tambe di curso di arte den e tecnica di ‘palette knife’ y Alcohol ink.

 

Diahuebs awor ta toca turno na Club Kibrahacha, kende lo bin pasa un rato placentero disfrutando di koffie, bolo y alabes admira e obranan.

 

Otro siman ainda lo ricibi bishita di Prinses Amalia Basisschool, Pius X y Fatima College.

 

Lastimamente e exposicion tambe lo yega na su final. Dia 18 di november e cumpradonan lo bin recoge nan obranan cu lo marca tambe e clausura di e exposicion.

 

Laureen ta invita tur cu ta desea ainda di wak e obranan, pa no perde e oportunidad di distrai e relaha un rato mientras ta admira e obranan. 

Diaranzon november 17 ta e ultimo dia cu e exposicion lo ta completo.

Horario ta di dialuna pa diabierna di 9or di mainta pa 12or di merdia y di 4or di atardi te 7or di anochi, y diasabra riba peticion.

 

Laureen ta gradici tur cu a bishita e exposicion caba y tur cu den un forma of otro a coopera pa haci e exposicion ’Emotion’ un realidad.

 

Pa mas informacion tocante e cursonan, of pa schedule un otro ora pa bishita e exposicion, por tuma contacto cu Laureen mes na 737-0000.

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio