Hudishibana
Dialuna, un atardi di angusta y susto pa un famia, despues cu un señora a sali for di su cas, subi su auto y lo a bay direccion di lama patras di Tierra Del Sol. Probablemente e señora lo tabata tin poco problema.
Despues di un rato e auto di e señora a wordo haya bandona canto di lama riba e barancanan na costa panort di Tierra del Sol.
E dama no tabata den e auto y ni den cercania di e auto.
Alarma a wordo bati unda cu a start un buskeda grandi pa e señora aki. Varios unidad di polis, helicopter y famianan di e dama tabata buscando den e area panort di Tierra Del Sol.
Despues di basta rato di un buskeda intensivo, a logra haya e señora sinta banda di lama poco mas leu.
Slachtofferhulp a bay na e sitio y despues cu e señora a wordo haya, hunto cu slachtofferhulp a bay hospital pa un check up.
