Home » Project Team Drugspanden cu entrada hudicial na Scobillostraat y San Barbola.

Project Team Drugspanden cu entrada hudicial na Scobillostraat y San Barbola.

by Admin
0 comment 64 views

Oranjestad – Diabierna for di oranan trempan di atardi, Cuerpo Policial a tene su accion contra esnan cu ta deal den e mundo di droga.
Ya ta varios siman tras di otro cu Cuerpo Policial ta haci entradanan Hudicial y cu deteni esnan envolvi den e mundo di droga.

Siguientemente informacion oficial di Sr.Lito Laclé cu ta Vocero Policial:

“Project Team Drugspanden ta un team cu a wordo lanta pa entre otro investiga bendemento di droga for di un percela y ariba caya.
En conexion cu un investigacion andando Project Team Drugspanden a haci un entrada hudicial den un cas na Scobiyostraat y un cas na San Barbola y a detene 3 homber pa bendemento di droga.
Inicialnan di e hombernan ta:

J.A.K. naci na Aruba di 50 aña.
J.I.K. naci na Aruba di 19 aña.
L.F.M. V.d. L. naci na Aruba di 18 aña.

Durante razzia a confisca un cantidad di droga ( Marihuana y cocaina).
Ainda ta bezig ta buscando.
A haci uso tambe di diferente departamentonan di Cuerpo Policial entre otro DAR ( Recherche) y K9 unit.
Pa Cuerpo Policial por resolve mas caso cooperacion y informacion di pueblo di Aruba ta hopi importante, pesey nos ta pidi si bo tin cualkier informacion yama nos tiplijn di Polis cu ta: 11141. Nos ta garantisa cu bo ta keda anonimo”.

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio