Home Corte Caso asesinato cruel na Pos Chikito mayan den Corte

Caso asesinato cruel na Pos Chikito mayan den Corte

SHARE

E victima a sufri dos tiro den cabez

ORANJESTAD – Mayan mainta 8.30 den Corte di Husticia lo tuma lugar e caso penal contra un grupo cu ta envolvi den un asesinato cruel. E sospechosonan ta: Wuill Vrolijk, Joshua Wouters, Yael Frans y Brandon Wouters.

Aruba Native por a compronde cu e grupo aki ta wordo sospecha di a tira mata e difunto Lisander Leonardo Ignacio riba 15 Januari 2021, mientras cu e defunto tabata sinta den un auto den cura di un cas na Pos Chikito. E caso aki a conmove henter comunidad y Recherche a logra detene tur e sospechosonan.

E acusacion cu Fiscal lo presenta mayan contra e grupo aki ta, cu riba 15 di Januari 2021, intencionalmente cu cara tapa y na un manera calmo, nan a drenta den cura di e cas y tira e difunto Ignacio, cu a resulta fatal. Investigacion di Recherche ta mustra cu ta Wuill, Joshua y Yael, a los tres tiro riba e defunto Ignacio. Dos tiro a alcanza e victima den cabez, cu consecuencia cu el a fayece.

Mayan Aruba Native lo informa kico tur a pasa den Corte di Husticia.