Home Police Polis a para fiesta di Halloween, na Perle D’or pa falta...

Polis a para fiesta di Halloween, na Perle D’or pa falta di cumplimento cu reglanan stipula pa gobierno

SHARE

Boegoeroei:
Diadomingo den careda di 1’or di marduga, un team special y varios unidad policial a yega na Perle D’or Resort Aruba. Na e hotel aki tabata tin un fiesta di Halloween andando y tabata tin un cantidad grandi di persona aglomera, fiestando y celebrando e fiesta di Halloween.

E team special a bay paden y mesora a exiginan pa caba cu e fiesta aki, mirando e aglomeracion di hende y tambe e orario di cierre cu ta 1’or di marduga. Mayoria di persona a bandona e hotel y e huespednan por a keda, pero den nan camber.

Asina polis tabata pasa di un sitio pa otro pa controla y especialmente despues di 1’or di anochi a bay over na para e fiestanan y cera e establecimentonan nocturno cu despues di 1’or di marduga ainda tabata habri.