Home Corte Hues a sentencia Jason Margaritha(39) na 2 aña y mey di prison

Hues a sentencia Jason Margaritha(39) na 2 aña y mey di prison

SHARE

Oranjestad – Diabierna mainta Hues a dicta sentencia den e caso unda cu Ministerio Publico a cuminsa contra Jason Margaritha(39) naci na Corsou.

Jason ta wordo acusa cu entre september 2020 y februari 2021 tawata tin relacion sexual na varios ocasion cu un mucha di 15 aña. Fuera di relacion e lo tawata mishi na e parti intimo di e mucha cu ta cay bou su encargo.

Fiscal ta haya Jason culpabel y mester haya castigo. Manera semper ley ta bisa, mucha menor di edad mester wordo protehi.

Den e caso aki tin un twist, debi cu e mucha muhe(15) a bisa cu ta mes a busca e relacion cu Margaritha(39) .Sinembargo esey no ta kita afo cu Jason a haci actonan inmoral y tene relacion sexual cu e mucha muhe. Pues Jason como adulto mester tawata sa miho.

Fiscal a tuma Jason hopi na malo pa locual e la haci, y ta exigi 42 luna. Seis luna condicional cu un tempo di prueba di 2 aña, tambe e mester bay bou guia di Reclassering.

Hues ta haya tambe legalemente prueba cu Jason Margaritha a haci actonan inmoral cu un mucha cu no tin 16 aña y tambe tene relacion sexual cu ne.
Tambe Hues a duna di conoce cu e ta kere declaracion di e mucha.

Jason a admiti di a tene relacion y tambe tawata sunchi cu e mucha.
Hues a tene cuenta cu e castigo di Jason cu tawata haci actonan inmoral cu e mucha muhe A.(15). No por a prueba cu Jason activamente a abusa di e mucha muhe.

A tene na cuenta tambe cu Jason ta prome biaha cu e ta cay cera y cu e rapport di psycholoog ta bisa cu Margaritha no ta un pedofiel.
Psycholoog ta recomenda si pa e ricibi guia di Reclassering.

Hues a condena Jason Margaritha na 30 luna di prison, 6 luna condicional cu 2 aña di prueba.
Esaki cu e condicion cu Jason lo mester sigui bou e guia di Reclassering.