Home Police Accidente entre tres auto na Paradera, un chauffeur a bandona e sitio

Accidente entre tres auto na Paradera, un chauffeur a bandona e sitio

SHARE

Paradera – Diabierna den oranan di atardi den careda di 6’or a sosode un accidente di trafico entre 3 auto.
E accidente a sosode momento cu un Nissan Fuga bayendo direccion rotonde Paradera a dal un Nissan Versa cu a subi e crusada.

Den e impacto un Toyota Rav4 su bumper parti patras a wordo ranca.

Segun chauffeurnan envolvi, e Nissan Fuga a dal e Versa den porta y despues baha caminda pa bay termina ariba e parkeer plaats di un botique di paña eybanda.

Debi na e impacto e Nissan Versa a draai y baha caminda bek parti pa zuid, y a keda para cerca di e antena di Setar.

Polis na su yegada a pidi un ambulance pa controla chauffeur di e Versa cu tawata sinti dolor y alabes spanta.

Pa locual ta chauffeur di Nissan Fuga, despues di papia cu otro personanan envolvi a bandona e sitio.

Un rato despues doño di e Nissan Fuga mes a yega, y ta puntra un chauffeur di e Fuga ta paso ta test drive e homber cu e conoce pa cara a bay test e.

Pues awor e auto cu e tawata bendiendo a wordo kibra y e homber cu a bay test e a bay tambe di e sitio.

Polis di trafico a yega e sitio y tawata esun encarga pa tuma tur dato.

Paramediconan a controla chauffeur di e Versa na e sitio mes.