Home Police Accident pa falta dunamento di preferencia na e crusada panort di CMB...

Accident pa falta dunamento di preferencia na e crusada panort di CMB Noord

SHARE

Noord:
Diaranson den oranan di atardi a sosode un accidente pa falta di dunamento di preferencia. Esaki a sosode na e conocido crusada di CMB Noord. E dos autonan envolvi tabata un Kia Rio blanco y un SUV Chevrolet cora scur.

E Kia Rio blanco tabata biniendo for di pariba y e Chauffeur di SUV cora no a pone tino cu riba e caminda di preferencia tabata biniendo e Kia Rio. E chevrolet a subi e caminda pa bay direccion nort y a dal contra e Kia Rio Blanco. E daño material na e Kia Rio tabata considerabel.

Polis di strand y di trafico a presenta na e sitio pa asina atende cu e accidente y tuma datos. E impacto tabata fuerte y dos persona a keda levemente herida. Ambulance tambe a presenta na e sitio pa asina duna asistencia medico na e dama den e Kia Rio y un hobencita cu tabata den e SUV cora.