Home » Parlamentario Darlaine Guedez-Erasmus (MEP): Peticion pa haci encuesta entre hoben riba humamento

Parlamentario Darlaine Guedez-Erasmus (MEP): Peticion pa haci encuesta entre hoben riba humamento

by Admin
0 comment 44 views

Den e reunion publico di dia 26 di october 2021, Parlamento di Aruba a trata e adaptacion di ley “restriccion di e productonan di tabaco”.

Net den e siman special di Fundacion Anti Droga Aruba (F.A.D.A.) su campaña di concientisacion nos a trata e ley, restriccion di e productonan di tabaco”. Nos no ta considera sigaria specificamente droga, pero si ta cai bou un di e substancianan cu por ta adictivo y negativo pa salud.

Durante e reunion aki mi persona a entrega un mocion cu a wordo acepta unanimamente door di otro coleganan Parlamentario. Den e mocion ta splica e importancia y deseo, pa gobierno di Aruba haci un encuesta bou di nos hobennan na Aruba., como cu e ultimo ‘youth health survey’ na Aruba ta data di 10 aña pasa y e pensamento- y substancianan cu ta wordo uza a cambia. No ta solamente pa e uzo di tabaco, pero tambe otro formanan cu a bira mas popular manera E-cigarette y hookah.

E Organisacion Mundial di Salud ta brinda acceso na Aruba pa haci uzo di e ‘global tabaco survey’. Lo ta bon pa acerca Universidad di Aruba pa asina pidi colaboracion pa cu e encuesta aki. Cu e resultado di e “global youth tabaco survey” sigur lo mehora e capacidad di e diseño, implimentacion y evaluacion na momento di haci e intervencionnan di tabaco.

Haciendo e encuesta bou nos hobennan y ricibiendo informacion actual, ta haci posibel pa aplica e resultado den maneho al respecto di e Ministerio di Salud.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio