Home Police Tres persona deteni, despues cu nan a drenta horta den warda di...

Tres persona deteni, despues cu nan a drenta horta den warda di polis na Balashi

SHARE

Informacion oficial ricibi for di vocero suplente di polis Sra. Liliana Rasmijn:

“Balashi – Diamars madruga pa mas o menos 4:50 centrale post ta wordo notifica cu personanan lo mester a drenta warda di polis Balashi y bay cu un cantidad di brommer/ scooter.

Ta asina cu inmediatamente a activa tur unidad di polis riba caya.Tambe a bay over na lanta e helicopter di polis pa asina cuminsa cu un buskeda pa e anti-socialnan encuestion. 

E buskeda a keda te den e oranan di mainta. 

Ta asina cu a logra detene 3 hende homber y a recupera te cu awo 10 brommer/scooters.

Recherche tin e caso bao investigacion. No ta descarta cu lo por tin mas detencion relaciona cu e caso aki. 

Cuerpo Policial ta haci un apelacion na esnan cu a wak algo / sa algo, yama e TIPLIJN DI POLIS : 11141.

Bo ta keda anonimo”.

Camara di Arubanative.com a logra capta un momento exclusivo, ora cu polisnan ariba Green Corridor a persigui un di e sospechosonan y detene esaki tambe. Por mira e imagennan exclusivo ariba nos Facebook page.