Home Police Control di polis riba Green Corridor pa velocidad halto

Control di polis riba Green Corridor pa velocidad halto

SHARE

GREEN CORRIDOR
Diamars for di oranan di mainta polis a cuminsa tene un control di trafico riba Green Corridor.

Na altura di Young Fellow bou di un mata tabata tin algun polis di motorunit para y cu e machine di midi velocidad nan tabata midi velocidad di e autonan cu tabata bay direccion di Drive-In.

Un poco mas pariba tabata tin dos patruya para, e polisnan aki tabata para e autonan cu lo tabata coriendo cu velocidad mas halto cu ta wordo permiti.

E polisnan tabata boet e chauffeurnan cu tabata coriendo mas duro cu ta permiti.Tambe na momento cu e polisnan para un auto, nan tabata controla e documentonan y si nan no tabata na ordo, polis tabata duna e chauffeur, boet pa core cu velocidad halto y pa e papelnan di auto cu no tabata na ordo.

Por a nota cu ultimamente tin hopi control di trafico, polisnan ta basta activo controlando na puntonan strategico.