Pos Chikito – Diamars mainta trempan a sosode un accidente serio na e t-weg altura di Oduber Welding.
Na yegada di polis nan a topa cu dos auto pega contra otro. Un di nan tawata un Chevrolet Trax y e otro tawata un Toyota Yaris.
Ambos chauffeur tawata herida. Chauffeur di e Yaris a keda pega den e auto y pa e motibo aki mester a pidi presencia di Materiaalwagen di Brandweer.
Na e sitio a presenta dos ambulance.
Na yegada di bomberonan mesora nan a drenta accion pa libera e chauffeur cu tawata pega. E homber tawata na bij y te unda nos por a mira tawata comunica cu esnan cu tawata yude sali.
Manera cu e vehiculonan a dal ta mustra cu un lo a subi caminda y kizas no a pone tino con cerca e Chevrolet ta y tampoco e velocidad cu lo ta biniendo cu ne.
Den e impacto e Trax a dal den e banda robes di e Yaris y ta carge bente pazuid di caminda, pasando cerca di un palo di luz y termina contra un palo di kwihi.
Despues cu a saca e chauffeur e la wordo hinka den ambulance, unda cu despues nan a sali direccion Hospitaal.
Den e impacto un di e autonan a dal un steunpaal di Elmar y polis a pidi pa presencia di Elmar y Setar pa motibo cu e wayanan di Elmar y di Setar tabata colga.
Debi na e orario, trafico a stagna bastante y crea fila.
