Home Police Recherchenan di Atraco team a detene dos sospechoso, relaciona cu e investigacion...

Recherchenan di Atraco team a detene dos sospechoso, relaciona cu e investigacion di e atraco na Pizza Hut

SHARE

Bushiri: Dialuna durante dia e recherchenan di atraco team tabata ariba bou haciendo e investigacionnan necesario pa asina trata na soluciona e atraco cu a tuma lugar den oranan di mainta riba un empleado di Pizza Hut, e atracadornan a bay cu un suma di 18 mil florin segun informe di polis.

Den careda di 5’or y mey di atardi e atraco team a logra pone man riba dos persona, probablemente e dos personanan aki ta wordo sospecha di lo por tin algo di haber cu e atraco di mainta, pero te na e momentonan aki e no ta confirma.

E dos sospechosonan aki a wordo haya sinta den un Chevrolet Celta blanco, den area di Bushiri, patras di Shoco Snack.
E recherchenan a detene e dos personanan aki y a confisca un tas y tambe nan celular, pa asina nan sigui haci mas investigacion.

Nos ta keda pendiente pa un relato oficial di vocero di polis, si acaso e dos personanan aki ta sospechoso di e atraco riba e empleado di Pizza Hut of di un otro atraco.