Home » Parlamentario Setty Christiaans-Yarzagaray (MEP): “Durante reunion publico riba presupuesto di DOW a introduci un mocion pa iluminacion banda di vivienda di clientenan di Biba Bou Guia na Santa Cruz”

Parlamentario Setty Christiaans-Yarzagaray (MEP): “Durante reunion publico riba presupuesto di DOW a introduci un mocion pa iluminacion banda di vivienda di clientenan di Biba Bou Guia na Santa Cruz”

by Admin
0 comment 46 views

Iluminacion di cayanan na Aruba ta contribui indudabelmente na seguridad di nos hendenan y ta deber di entre otro un gobierno pa percura pa cu seguridad riba nos isla. 

Ta asina cu clientenan di Biba Bou Guia cu ta habita den becindario di Ambiente Feliz na Santa Cruz ta haya cu e caya dilanti nan viviendanan ta scur y nan ta haci falta di iluminacion den nan area. E clientenan di Biba Bou Guia ta biba mas independiente posibel den nos comunidad. Mas ainda clientenan di e fundacion aki tin limitacionnan y tambe limitacion mental. Pa e motibo aki e Parlamentario ta considera cu pa ilumina e caya dilanti nan viviendanan hopi importante cu ta contribui na nan trankilidad y un ambiente mas sigur. 

 

Pesey Parlamentario Setty Christiaans-Yarzagaray a opta pa introduci un mocion durante tratamento di presupuesto di DOW pa aña 2021 na unda e Parlamentario a urgi Gobierno di Aruba pa pone ilumicaion den e caya den becindaro di Stichting Ambiente Feliz cu ta e caminda cu ta bay pa e viviendanan di clientenan Biba Bou Guia.

 

Cu esaki Parlamentario ta cumpli alabes cu su responsabilidad como representante di pueblo pa vocifera e deseo di nos clientenan di Biba Bou Guia cu a acerca su persona cu nan preocupacion. Ta comprendibel ademas cu awendia iluminacion ta trece mas trankilidad y sigur ta contribui na experencia un ambiente mas sigur.   

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio