Home Police Motociclista cu fractura serio na pia despues di accidente

Motociclista cu fractura serio na pia despues di accidente

SHARE

Seroe Janchi – Diadomingo anochi pasa di 10’or un accidente serio a sosode entre un brommer Pulsar y un auto Mini Cooper.

Polisnan cu a yega na e sitio mirando e herida serio cu e motociclista a ricibi a pidi pa un ambulance cu urgencia.

E accidente tawata uno hopi serio, debi cu e motociclista despues di dal contra e conta a fractura su pia robes parti ariba.

Na e sitio por a mira un total di 4 paramedico haciendo hopi lihe pa tapa e herida, door cu tawata tin un corta grandi.

Na e sitio por a scucha y mira un dama mustra polis un bleki posiblemente di fluid cu e motociclista lo a usa den e motor.

Segun e dama su version, e likido cu e manehador a usa den e motor lo spart y bay su wowo.

E impacto contra e Mini Cooper  tawata un basta duro, dunando un indicacion cu e brommer lo a dal cu velocidad halto.

Despues di algun rato Paramediconan a sali direccion Hospitaal cu e motociclista.