Home Local Entrada Hudicial na un cas, no tur ora tin detencion of ta...

Entrada Hudicial na un cas, no tur ora tin detencion of ta haci cu un of mas habitante ta sospechoso

SHARE

Hopi biaha hende ta husga of ta saca nan mesun conclusion, ta core haci habitantenan sospechos, asina cu Husticia drenta un cas, no ta tur ora esaki ta e caso.

Un Entrada Hudicial no tur ora kemen cu e personanan biba na e adres aki ta bira automaticamente un of mas sospechoso. Durante e investigacion hopi biaha autoridad ta sigui e sospechosonan, ta tap nan telefonnan y ta investiga y mira tur nan pasonan, dus con e sospechoso ta move y cua casnan e ta bishita, frequentemente. Loke ta hopi importante pa e investigacion por ehempel ta e celularnan di e sospechosonan.

Por ehempel si e sospechoso hiba un telefon, un laptop etc. na un lugar of na cas di un persona pa drecha.  Na momento di un entrada hudicial nan por bay na e cas of negoshi aki, pa busca e celular, e laptop etc. E por ta tambe si tin documentonan envolvi cu ta di importancia pa cu e investigacion, bijv. e accounting di e persona. Esaki solamente den interes di e investigacion, nan lo confiscanan pa mira si por tin informacionnan cu ta di importancia pa cu e investigacion.

Esey no kemen cu e doño di e negoshi of e doño di e cas tin algo di haber cu e caso, e ta un procedura normal na interes di e investigacion.

Autoridad te hasta por bay cu un persona, detene pa algun dia pa mira si acaso e lo por tin mas of cualke informacion di interes pa cu e investigacion, ora nan caba cu interogacionnan. E persona lo wordo laga den libertad, esey no tur ora kemen cu e persona ta un sospechoso y cu e lo mester bay presenta dilanti corte. Riba dje un sospechoso ta keda sospechoso te ora cu Hues hay’e culpabel y dun’e un sentencia.