Home Dutch Kingdom Na Hulanda, un Muhe (21) a mata un otro muhe(20), aparentemente lo...

Na Hulanda, un Muhe (21) a mata un otro muhe(20), aparentemente lo ta trata di dos ruman

SHARE

Den Bosch/Hulanda:
Diasabra den careda di 7’or y mey di anochi a sosode un incidente hopi tristo y con exactamente e la sosode no ta conoci ainda, e caso ta bou investigacion.

Den un cas na Slagendreef a tuma lugar un pelea entre dos muher segun informacion no oficial lo ta trata di dos ruman muher. Un problema cu a bay for di man y e muher di 21 aña a pasa man pa un cuchiu y a hinca e otro di 20 aña. E victima seriamente herida a logra sali for di e cas y a core bay na un bisinja, cu mesora a bati alarma.

Polis cu a presenta na e sitio y bin topa cu e dama den un situacion critico, mesora a pidi pa un traumahelicopter pa transporta e dama herida cu sumo urgencia pa hospital, pero e ayudo a yega lamentabelmente laat, e dama di 20 aña a fayece den cas di su bisinja, na e heridanan serio cu e la ricibi.

Den e bringamento cu cuchiu, un cacho tambe a keda herida y a wordo transporta cu urgencia cu un dierenambulance pa un clinica pa bestia na Waalwijk, caminda e la wordo opera cu urgencia y ta luchando pa su bida.

Polis a detene e muher di 21 aña y a cera e area completamente pa asina e specialistanan forensico, un team di recherche di Den Bosch por haci un investigacion extenso. Pa asina logra haya sa kiko exactamente lo a sosode den e cas na Slagendreef.

Segun comentario di varios persona lo ta trata di dos ruman muher, pero e informacion aki ainda no a wordo confirma.