Home Dutch Kingdom E caso di hincamento fatal na Den Bosch, Hulanda a keda confirma...

E caso di hincamento fatal na Den Bosch, Hulanda a keda confirma cu ta trata di dos ruman

SHARE

E caso di hincamento fatal na Den Bosch, Hulanda a wordo gestream live riba Instagram.

Den Bosch, Hulanda-
Diasabra den careda di 7’or y 50 a drenta un melding na polis di un caso serio di hincamento na un cas den Slagersdreef. Mesora polis y ambulance, a bay cu urgencia na e sitio y a bin topa cu un dama seriamente herida. Mesora a cuminsa reanima e dama y tambe a pidi pa un trauma helicopter cu hopi urgencia, pero lamentabelmente, e ayudo a yega laat, e victima a fayece mesora na e cas.

Mesora polis a cuminsa cu un investigacion y a bin detene un muher di 21 di aña. E victima y a sospechoso a resulta di ta ruman di otro, pero di un diferente mayor (halfzus), nan tabata biba na e mesun adres.

Na prome instante for di investigacionnan haci, a resulta cu e bringamento a start den nan mesun un cas, pero na momento cu e victima a wordo hinca , e la logra haya un chens y a core drenta cas di su bisiña, unda e la bin ta fayece. Den e incidente tristo aki un cacho tambe a resulta herida. E cacho a wordo transporta cu un dierenambulance pa un clinica di bestia na Waalwijk. Mesora e la haya e atencion medico necesario y ur cos ta mustra cu su situacion ta mehorando.

For di investigacionnan haci a bin resulta tambe cu imagennan di e hincamento y di e victima lo a wordo live gestream riba Instagram. Segun Polis tin screenshotsnan ta bayendo rond di e victima, esaki den diferente gruponan di whatsapp. Polis ta pidi pa esnan cu a haya e screenshotsnan aki den nan poder pa no sigui sharenan y pa por fabor deletenan.